50. urteurrena ospatzeko ekitaldiekin jarraitzen du Ibai ikastolak. Horrela,
maiatzaren 19an ikasle ohi, irakasle-langile ohi eta guraso ohientzako bazkaria antolatu dute
Ibaetako frontoian. Ondoren,
Egan taldeak kontzertua eskainiko du. Horrekin batera, argazki erakusketa bat jarriko dute eta ikastolaren historia jasotzen duen liburua salgai egongo da.
Ibilaldia asteburuan
Igande honetan, hilak 15, urteurrena ospatzeko mendi irteera egingo dute ikastolatik abiatuta. Horrez gain, ekainaren 2an urte bukaerako festa egingo dute ikastolan, eta egitaraua bereziagoa izango da urteurrena dela eta.
