Erreginaren kopak ihes egin dio finalean Bera Berari

Iñaki Agirre

2018/04/22

Asturiaseko Mavi taldeak Bera Beraren erreginaren seigarren kopak beste urtebetez itxaron behar izatea lortu du igande honetan, finalean Montse Pucheren neskak garaituta. Donostiarrek, ordea, denboraldi onari jarraipena eman ahal izango diote datorren asteburuan, ligako sailkapeneko lehen postua defendatuz. Futbolean, Realeko neskek kopa postuetan sartzea lortu zuten azkenean Albaceteren aurkako berdinketarekin. Mutilei dagokienez, berriz, Imanol Alguacil entrenatzailearen porrotik gabeko boladak etena izan zuen Malagan. Hockeyan ere gauzak ez zitzaizkien ondo joan talde donostiarrei, bai Realak eta bai Donostiako Atletikok galdu egin baitzuten RC Polo eta Terrasaren aurkako neurketetan. Saskibaloian, Gipuzkoa Basketek ezin izan zuen garaipena lortu Bartzelonarek kontrako partidan. ESKUBALOIA Erreginaren kopa, finala

Mavi 20 – 17 Bera Bera

HOCKEYA Emakumeen Ohorezko maila, 15. jardunaldia

RC Polo 1 – 0 Reala

Gizonezkoen Ohorezko maila, 15. jardunaldia

Terrasa 2 – 1 Donostiako Atletiko

FUTBOLA Emakumeen lehen maila, 27. jardunaldia

Reala 2 – 2 Albacete

Gizonezkoen lehen maila, 34. jardunaldia

Malaga 2 – 0 Reala

SASKIBALOIA ACB liga, 29. jardunaldia

Bartzelona 89 – 74 Gipuzkoa Basket