Ohitura osasungarriei buruzko jardunaldiak egingo dituzte

Irutxuloko Hitza

2018/05/04

Jardunaldien aurkezpena egin dute udaletxean. (Argazkia: Donostiako Udala)

Jardunaldiak egingo dituzte udaletxean, gorputza zaintzeko ohitura osasungarriei buruz, Gure gorputza zainduz bizitza osoan zehar izenburupean. Maiatzaren 9an eta 30ean izango dira jardunaldiak. Zabaldu nahi dituzte herritarren artean zahartze prozesuan sortzen diren egoerei eta patologiei buruzko ezagutza, prebentzioa eta tratamendua. Antolatzailea da Donostiako Udala, Sendragrup Foroarekin eta Laboral Kutxarekin batera. Jardunaldiak lokomozio aparatuari lotutako patalogien gainekoak izango dira. Zehazki, maiatzaren 9an, asteazkenean, Hezurren zahartzea: prebentzioa eta irtenbideak izango da gaia; eta maiatzaren 30ean, berriz, Artikulazioen zahartzea: prebentzioa eta irtenbideak. Bi jardunaldiak 19:00etan izango dira, eta eskema bera izango dute: lau hitzaldi labur eta, ondoren, solasaldia. Sarrera librea izango da aretoa bete artean.

Azken bideoak