Satorralaiak eta Bizilagunekin plataformak Topoaren igarobidearen eraikitze lanek eragindako kalteak salatzeko parodiazko bisita turistikoa egingo dute bihar hirian zehar. Topoaren igarobidearekin sustatzen den hiri-eredua auzitan jartzeko helburuarekin egingo dute.
Bisita eguerdiko 12:00etan abiatuko da Easo plazatik, eta igarobidea eraikitzeko proiektuaren lan guneak bisitatuko dituzte ibilaldi zehatz bat jarraituz: Urbieta kalea, San Bartolome, San Martin kalea, Loiola kalea, Arrasate kalea, Xabier Zubiri Plaza eta Kontxako hondartza.
