Ezagutzen duzue Euskaraldiko hamaikakoa?

Irutxuloko Hitza

2018/05/17

Euskaraldia egitasmoa egingo da azaroaren 23tik abenduaren 3ra Euskal Herri guztian, eta Donostiako Euskaraldiaren enbaxadoreak izango direnak aurkeztu zituzten maiatzaren 10ean, Tabakaleran. Donostiako alor ugaritako ordezkariek osatu dute hamaikakoa:

Miren Arrieta, aktorea
Jokin Aperribay, Errealeko presidentea
Kontxu Uzkudun, moda diseinatzailea
Mariano Ferrer, kazetaria
Garazi Urrosolo, Egiako euskara batzordeko kidea
Josean Abecia, Altza Hadi batzordeko kidea
Barbara Goenaga, aktorea
Mikel Irazusta, herritarra
Xila Pihlström, euskal herritar eta suomitar kultur eragilea
Iñaki Salvador, musikaria
Joxean Fernandez, Euskadiko filmategiko zuzendaria

Donostiako hamaikakoa osatzen duten kideek euskararen aktibazioa sustatzeko babes urratsa ematea erabaki dutela azaldu dute. Ekimenaren enbaxadore izango dira, eta herritarren izen ematea aktibatzeko lehen deia egin dute. Izan ere, ekimenean parte hartu nahi duten pertsonek ere ahobizi eta belarriprest rolen bitartez euren hamaikako propioak osatzea da proposamena. “Hau da euskarazko harremanak izan eta inertziak astintzeko Euskaraldiak proposatzen duen formula”, diote antolatzaileek. Ikusi hemen IRUTXULOKO HITZAk egindako aurkezpen ekitaldiko bideoa.

Erlazionatutako edukiaDonostiako Euskaraldia eta Hamaikakoa aurkeztu dituzte