Unai Mitxelena donostiarra Go Fit Koparako hautatu dute. Donostiako Atletikoko kidea da Mitxelena, eta luzera jauzian aritzen da. Nazioarteko topaketa izango da Kopakoa, Abrantesen (Portugal). Espainiako eta Portugaleko selekzioak ariko dira, 18 urtetik beherakoentzat.
Joan den igandean, Gandian, 14,34 metroko jauzia egin zuen Mitxelenak eta horrek bidea eman zion selekzioan sartzeko. Horrela bada, donostiarrak debuta egingo du nazioarteko proba batean. Hilabete batzuk egin ditu geldik, horkatileko lesio batengatik, baina berriro ere bere maila erakutsi du. Asier San Sebastian izango da entrenatzailea.
