Eneko Goia: "Hiriaren kontrako erabakia da PPk aurrekontuei egindako zuzenketa"

Inaxio Esnaola

2018/06/12

(Argazkia: Inaxio Esnaola)

EAJk eta Espainiako PP alderdiak adosturiko aurrekontuei hainbat zuzenketa aurkeztu dizkiete popularrek Espainiako Senatuan. Horien artean dago, CIDETEC-Miramon berrikuntza proiekturako adostutiko diru zatia. Hain zuzen ere, 5,5 milioi euroko inbertsioa zehaztu zuten, eta orain popularrek atzera egin nahi dute Espainiako Gobernu aldaketan jeltzaleek izandako eraginarengatik. “PPren mendekua da”, esan du Eneko Goia Donostiako alkateak. “Beraien asmoa EAJren interesak zapuztea da, baina kasu horretan hiriari egiten diote kalte eta ez nik ordezkatzen dudan alderdiari. Hiriaren kontrako erabakia da PPk aurrekontuei egindako zuzenketa”. Gogor kritikatu du alkateak PPren jarrera, eta hiriko udal taldeari ere mezu bat luzatu dio: “PPren Donostiako bozeramaileak kontuak eskatu izan dizkigu azkenaldian kudeaketaren inguruan, eta hau da hartzen duten erabakia”. Goiak ez du diru zati hori galtzat ematen, eta hori mantentzeko ahalegina egingo dutela esan du.

Azken bideoak