Jolastokietako bigarren fasean 119 etxebizitza eraikiko dituzte

Irutxuloko Hitza

2018/06/12

Jolastokieta. (Grafikoa: Sukia)

Donostiako Udaleko Tokiko Gobernu Batzordeak adostu du Jolastokietako bigarren fasean 119 etxebizitza eraikitzea. Adosturikoaren arabera 46 etxebizitza libre, tasaturiko 36 eta Babes Ofizialeko 37 egingo dituzte. Era berean, ekipamendu komunitarioak, lokalak eta garajeak ere eraikiko dituzte. Enpresa eraikitzaileak bi urteko epea izango du lanak bukatzeko. Eneko Goia alkateak azpimarratu du Jolastokietakoa hirigintza garapen garrantzitsuenetako bat dela: “Proiektu honi esker, Altzan orain arte industria gune bat zegoen tokian etxebizitza berriak egin ahal izango dira, eta ondorioz, auzorako gune berriak irabaziko dira”.

Azken bideoak