Pello Gutierrez donostiarraren azken lana hautatu du Kimuak programak

Inaxio Esnaola

2018/06/13

Osatu dute Kimuak programaren 2018ko katalogoa. Zazpi dira aukeratu dituzten lanak, eta tartean da Pello Gutierrez donostiarraren Zain film laburra. Segidan ikus dezakezue trailerra. Etxepare Euskal Institutua eta Euskadiko Filmategia dira Kimuak programaren antolatzaile zein sustatzaileak. Hautaketa batzordea, berriz, zinema munduko adituek osatu ohi dute. Aurtengoan ondorengoek parte hartu dute: Carlos Plaza (Donostia Kultura), Ivan Miñambres (UniKo), Jorge Rivero (zinegilea), Lorena Martin (Canarias en Corto) eta Ruth Perez de Anucita (Donostiako Zinemaldia). Aurkeztutako 78 proposamenetatik 7 dira aukeratu dituztenak:

592 metroz goiti, Maddi Barber.
Ama, Josu Martinez.
Ancora lucciole, Maria Elorza.
Espedizio handia, Iban del Campo.
Kafenio kastello, Miguel Angel Jimenez.
No me desperteis, Sara Fantova.
Zain, Pello Gutierrez.

Katalogoak dokumentala eta fikzioa jasotzen ditu, generoen arteko mugak hautsiz zenbait kasutan. Hizkuntzei dagokienez, filmetako bi euskara hutsean daude, beste bi euskaraz eta gaztelaniaz dira, bat euskaraz eta frantsesez, bat gaztelaniaz eta italieraz eta azken bat grekoz. Kimuak programaren 20. urteurrena dela eta erreportaje bat argitaratu zuen IRUTXULOKO HITZAk.

Erlazionatutako edukiaEuskal zinemaren kimuak han eta hemen zabaltzen