Olatz Salvadorrek ere zuzenekoa eskainiko du Flamenka gunean
Donostiako Piratek Aste Nagusian Flamenka gunean eskainiko den beste kontzertu baten berri eman dute gaur goizean. Hain zuzen, Olatz Salvador donostiarra kaiko agertokian izango da “Zintzilik” bere azken lana aurkezteko. Sare sozialen bitartez ezagutarazi dute piratek Salvadorren emanaldia: “Folk bakarlari bezala askotan alaitu gaitu Olatzek. Bere lehen bakarkako diskoa aurkeztera dator oraingoan, ondo ezagutzen dituen musikariekin talde formatuan”. Aste Nagusia abuztuaren 11tik 19ra bitarte ospatuko dute.
Goiz honetan, Arrasateko Des-kontrol taldearen kontzertua iragarri dute ere piratek. Aurretik, Belako, Skakeitan eta Niña Coyote eta Chico Tornadoren emanaldien berri eman zuten ere. Datozen egunetan Aste Nagusi piratako gune nagusiko gainerako kontzertuak ezagutaraziko dituzte.
Zer Piratak? ☠️☠️
— Donostiako Piratak (@izanpirata) June 19, 2018
Bosgarren taldea ezagutzeko gogoekin?! ??
Olatz Salvador, “Zintzilik” bere azken lana aurkeztera dator! ????
Pop-rock doinuak landuz eraikitako amets limurtzailea! Murgildu gaitezen ahots eder honetan! @OlatzSalvador #ANPirata18 pic.twitter.com/q3heJ93wMi
Erlazionatutako edukiaDeskontrol taldeak joko du Aste Nagusi Piratan
