(Argazkia: Donostiako Udala)
Bisitariak turismo gunera iritsi aurretik bidaia prestatu ahal izango du Donostia Turismo erakundearen
Interneteko denda berriari esker. Era berean, turismo-txartelak, bisitaldiak, produktuak, esperientziak eta ihesaldiak erosteko aukera eskainiko du atariak.
Eskainitako produktuen erdia Donostiatik kanpo egiteko esperientziak dira. Deskontzentrazioaren bidez, lurraldeko turismo eta natura arloko baliabideak ezagutzera emango diete. Gainera, hirian saturazioa saihestu eta egonaldi turistikoa luzatzen ahaleginduko dira.
Donostia Turismoak dendan eros daitezkeen esperientzia batzuk azpimarratu ditu:
- Txangoak: Euskal kostaldean (Zumaia-Getaria- Zarautz/ Hondarribia- Pasaia/Iparraldeko kostaldea…), Donejakue Bidearen Abentura, Hiru Tenpluetako Bidea, Gaztelugatxe/ Bilbao/ Guggenheim etab.
- Gastronomia: Txango Gastronomikoak Errioxara, Getariako txakolindegiak edo Zumaiako Flyscha sagardotegian bazkalduta, pintxoen tourrak, sagardotegiko menuak, bisita gaztandegi batera, sukaldaritza-tailerrak etab.
- Itsas ibilaldiak eta kirolak: Txangoak, uhartera itsasontzian, Donostiako katamarana, uretako jardueren edo kirol-materialaren alokairua, pilota etab.
- Bisita gidatuak: Funtsezko bisita gidatua, kulturala, hiriko auzoetan bisita gidatuak (Antigua eta Egia), tourrak bizikleta elektrikoan etab.
Gainera,
SanSebastianCard eta
Basquecard txartelak online erosteko aukera egongo da. Garraio publikoan mugitzea errazten diote bisitariari eta, gainera, turismo-baliabide garrantzitsuenetan beherapenak eskaintzen dituzte.
Irailaren 30era bitarte Donostia Turismoak beste arreta gune bat izango du Cervantes plazan. Ordutegia ondorengoa da: astelehenetik igandera 10:00etatik 20:00etara. Bestalde, Bulebarreko bulego nagusia eta autobus geltokikoa ere zabalik egongo dira udan.
