(Argazkia: Donostiako Udala)
Su Festen Nazioarteko 55. Lehiaketak aldaketa handi bat izango du aurten.
Piroteknia etxe guztiek Kontxako badiaren erdian jarritako plataforma batean hasiko dute ikuskizuna. Orain arte, Alderdi Ederren hasi izan dira su festak, 22:45ean. Aurten, ordea, Donostiako Udalak aldatu egin du suak jaurtitzen hasteko tokia, eta aurrerantzean ere hala izatea nahi du.
Aurten
zazpi piroteknia etxe ariko dira lehian,
abuztuaren 11tik 17ra. Urrezko Maskorra lortzeko aukera izango dute.
- Abuztuak 11. Esteban Martin (Granada)
- Abuztuak 12. Hamex (Eslovenia)
- Abuztuak 13. Caballer FX (Valentzia)
- Abuztuak 14. Parente (Italia)
- Abuztuak 15. First Class Pyro-Events (Alemania)
- Abuztuak 16. Xaraiva (Ourense)
- Abuztuak 17. Hermanos Caballer (Castello)
Asteari bukaera emateko, abuztuaren 18an, Suediako Goteborg Fireworks piroteknia etxeak ikuskizun piromusika bat eskainiko du. Aurtengo musika errepertorioa eskandinaviarra izango da: ABBA, Avicii, Roxette, Kygo, A-Ha, Swedish House Mafia… Diseinatzailea Martin Hildeberg eta Nordic Beats izena jarri dio ikuskizunari.
