[Zuzenketa] Inplikatuek ez dute azkenean triatloiko gertakariaren inguruko komunikatua aurkeztu
Gaurko astekarian, emakumeen triatloiko gertakariko inplikatuek asteazkenean edukitako bileraren berri eman du IRUTXULOKO HITZAk, atzo komunikatu bateratu bat aurkeztu zutela adieraziz. Hedabide honek komunikatu horren existentzia konfirmatu ahal izan zuen atzo, alde desberdinak kontsultatuz, eta bileran nolabaiteko adostasun batera iritsi zirela jakin zuen.
Komunikatua oraindik publiko egin ez bazuten arren, idatzia atzo argitaratuko zutela konfirmatu zioten inplikatuek IRUTXULOKO HITZAri, eta hala egin zutela argitaratu du hedabide honek gaurko astekarian. Ezagutzen ez diren arrazoiengatik, ordea, komunikatu hori ez da argitaratu. Horregatik, ardura hori bere gain hartuz, zuzena ez den informazio bat argitaratu duela onartzen du hedabide honek.
Erlazionatutako edukiaEuskaraz hitz egiteagatik emakumeen triatloitik lasterkari bat deskalifikatu zutela salatu dute
