Kale Nagusiko etxebizitza okupatu bat desalojatu dute
Udaltzaingoak Kale Nagusiko etxebizitza okupatu bat desalojatu du gaur goizean, Santa Maria eliza parean. 6:50ean eraikinera bertaratu da polizia, eta etxebizitzaren atea kolpeka bota ostean sartu dira barrura.
Bertan zeuden hiru pertsona identifikatu dituzte, eta bost minutu eman dizkiete euren gauzak jaso eta kalera irteteko, kaleratuak izan diren pertsonen arabera. Ertzaintzak operazio guztia eskoltatu du, eta eraikina inguratu du bertara inor hurbildu ez zedin.
Kale Nagusiko eraikin horretan hotel bat eraikitzeko proiektu bat abian dagoela salatu dute Hotel + ez taldeko kideek. Horregatik, manifestazio deialdia zabaldu dute gaur arratsalderako. 20:00etan abiatuko da, Konstituzio plazatik.
Santa Maria eliza pareko etxebizitza okupatu bat desalojatu du poliziak. Atea kolpeka bota dute 6:50ean, eta bertan bizi ziren pertsonak kanporatu dituzte. Eraikinean hotel berri bat eraiki nahi dute. (Argazkia: Hotel + ez) @irutxulo pic.twitter.com/zfjNc7MWRR
— Iñaki Agirre (@ikiagirre) July 25, 2018
Etxebizitzan zeuden pertsona guztiak identifikatu ditu poliziak, eta bost minutu eman dizkiete etxeko gauzak jaso eta kalera irteteko. Ertzaintzak eraikina inguratu du, bertara hurbiltzea oztopatuz. @irutxulo pic.twitter.com/gy3Irufn7e
— Iñaki Agirre (@ikiagirre) July 25, 2018
Kanporatzea dela eta manifestazio deialdia zabaldu dute Hotel + ez taldeko kideek. Protesta 20:00etan abiatuko da Konstituzio plazatik @irutxulo pic.twitter.com/rMjvg51GRt
— Iñaki Agirre (@ikiagirre) July 25, 2018
