Festan blai! jaia egingo dute Aste Nagusian, abuztuaren 15etik 18ra
Berriro ere Kursaaleko Terraza hartuko du Festan Blai! jaiak, Aste Nagusiko dj emanaldien baitan. Zehazki, 13 eta 16 urte arteko gazteentzako gunea izango da terraza, abuztuaren 15etik 18ra, 23:00etatik 2:00etara. Seigarren urtez egingo dute gaueko jaia, eta gazteentzako erreferente bilakatu dela diote Euskara Zerbitzukoek. Helburua da gazteengan sustatzea euskararen erabilera.
Lau egunetan hainbat erronka eta jolas egingo dituzte, eta horien bidez, opariak jasotzeko aukera izango dute gazteek. Gainera, azken gauean, abuztuaren 18an, Aste Nagusiari bukaera emateko, jai tropikala egingo dute, Iñigo Plazaola dj-arekin.
