'Nola bizi duzu Aste Nagusia?' #1, Ander Edo
Ander Edo Loiolako saltseroak egin digu Aste Nagusiko lehen eguneko bideo ‘selfie’a. Jaiak nola bizi dituen kontatzeko eskatu diogu, eta aurten Aste Nagusia sare sozialen bitartez jarraitu beharko duela aitortu digu. Izan ere, Extremadurako Mesegal herrian igaroko ditu Edok Donostiako jaiak. Hala ere, guretik urrun dagoen arren, artista honek azkar asko topatu du festarako plana, abordatze cacerestarrarekin eta guzti!
