Txantxarrekak eta Satorralaiak indarrak batu dituzte jaurlaritzaren gobernu kontseiluan protesta egiteko

Iñaki Agirre

2018/08/28

Ertzaintzak ez die protestan ari zirenei eraikinera hurbiltzen utzi. (Argazkia: Iñaki Agirre)

Topo igarobidearen aurkako Satorralaia herri mugimenduak eta hiriko migratzaileei harrera egin dieten Txantxarreka gaztetxeko kideek bat egin dute gaur Miramar jauregiaren kanpoaldean, Eusko Jaurlaritzak bertan egin duen gobernu kontseilua dela eta indarrak uztartu eta politikariei euren desadostasuna erakusteko. Jauregi ondoko aparkalekuan bildu dira, Ertzaintzak ez baitie eraikinera hurbiltzen utzi, eta bertan zabaldu dituzte euren aterki eta pankartak, eragile bakoitzaren borrokak aldarri berean batuz: “Metroaren dirua gastu sozialentzat!”. Satorralaiako kideek 10:30ean abiatu dute euren martxa, Kontxako erlojuetatik, eta 11:30ean bat egin dute Txantxarrekak jauregi ondoan deitutako elkarretaratzearekin.

Satorralaiak eta Txantxarreka gaztetxeak bat egin dute Eusko Jaurlaritza Miramar jauregian egiten ari den gobernu kontseiluaren kanpoan protesta egiteko. Indarrak batu dituzte, erakunde publikoei aurre egin eta euren desadostasuna erakusteko @irutxulo @satorralaia @Txantxarreka pic.twitter.com/2eItnrC5Ih
— Iñaki Agirre (@ikiagirre) August 28, 2018