Kontxako Banderaren sailkatze estropada jokatuko da gaur arratsaldean

Irutxuloko Hitza

2018/08/30

Aurtengo Kontxako Banderak, udal batzar aretoan. (Argazkia: Donostiako Udala)

Donostiako Euskal Jaiei hasiera emango dio gaur Kontxako Banderaren sailkatze estropadak. Emakume eta gizonen traineruak lehian ariko dira 17:30etik aurrera. Eguerdiko 12etan egin dute zozketa Donostiako Udaletxean, eta hemen duzue kategoria bakoitzaren irteera ordena:

Emakumeak: Cabo, Riveira, Deustu, Arraun Lagunak, Hibaika, Hondarribia, Orio, San Juan, Perillo, Mugardos, Colindres, Hernani, Kaiku, Lapurdi, Lea-Artibai eta Tolosaldea.
Gizonak: Zarautz, Hibaika, Meira, Getaria, Mecos, Mutriku, Deustu, Zumaia, Pedreña, Lapurdi, Ares, Isuntza, Cabo, San Juan, Urdaibai, Zierbena, Hondarribia, Orio, Santurtzi, Kaiku, San Pedro, Astillero, Tiran eta Ondarroa.

Erlojupeko proba izango da, eta kategoria bakoitzeko zazpi ontzi azkarrenek lortuko dute txartela, datozen bi igandeetan lehian aritzeko, Donostiarraren traineruekin batera. Arraun Lagunak hiriko hirugarren ordezkaria izan daiteke Kontxako Banderan. Aurten, nabarmentzekoa da lehen aldiz, dirusariak parekatu dituztela.