Willis Drummondek zuzeneko diskoa grabatuko du Intxaurrondon

Irutxuloko Hitza

2018/09/03

Willis Drummond taldearen kontzertu bat. (Argazkia: Ion Iraundegi)

Willis Drummond taldearen kontzertu bat. (Argazkia: Jon Iraundegi)

Willis Drummond taldeak zuzeneko diskoa eta DVDa grabatuko ditu Intxaurrondoko kultur etxean egingo duen kontzertuan. Urriaren 13an izango da, 22:00etan eta taldeak hiruko moduan grabatuko duen lehen zuzenekoa izango da. Sarrerak Donostia Kultura-n eros daitezke, 10 euroan. Egunean bertan erosten dituztenek 12 euroan erosi beharko dituzte.

Intxaurrondoko kontzertuan, Lapurdiko taldeak bosgarren diskoa aurkeztuko du, Tabula Rasa. Diskoa Burke Reid-ek grabatu eta ekoiztu zuen Willis Drummondekin batera, Iñigo Irazokiren Atala estudioan, Beran, 2016ko irailean. Diskoaren diseinua eta argazkiak Ramon M. Zabalegik egin zituen, eta promo argazkia Galder Izagirrerena da.

2007. urtean sortu zen Willis Drummond taldea Baionan. Urte hauetan, hainbat lan argitaratu dituzte eta Euskal Herrian eta Europan zehar kontzertu ugari egin dituzte. Diskografia:

Anthology (Autoekozipena, 2007)
Willis Drummond (Bidehuts, 2009)
Psilocybenea 2009/09/19 (Bidehuts, 2010)
Istanteak (Bidehuts, 2011)
A ala B (Bidehuts, 2012)
Tabula Rasa (Tabula Rasa, 2016)
Willis Drummond – Ion Iraundegi (Banizu Nizuke, 2017) – 2 abesti