Realak bere urtebetetze eguna ospatuko du Ondarretan, larunbatean: “Familia txuri-urdin guztia kirolaz beteriko goiz atsegina pasatzera gonbidatuta dago”. Festa leku sinboliko batean ospatuko da, talde txuri-urdina bere ehun urtetik gorako historia idazten hasi zen leku berean. Goizeko bederatzietatik eguerdira arte, Ondarretako hondarrak jai giroa biziko du eta batez ere familiako txikienentzat bideratua dago”.
Futbol 4 txapelketa egingo dute, haur eta kadete mailakoentzako, eta jarduera gehiago ere egongo direla esan dute: futevoley, freestyle-ko erakustaldiak, Realeko Atletismo Eskolako gynkana, margo tailerrak…
