Zinemaldiko sarrerak irailaren 16an jarriko dituzte salgai

Irutxuloko Hitza

2018/09/07

Zinemaldiaren irudi berria.

Irailaren 16an jarriko dituzte salgai 66. Zinemaldiko sarrerak. Goizeko 9etatik aurrera kanal guztien bidez eskuratu ahal izango dira: Zinemaldia Plazako leihatilak –Kursaaleko beheko solairuan–, Kursaal Elkarguneko leihatilak –Sail Ofizialeko abonamenduak eta 10 sarreratik beherako erosketak– eta Internet bidez. Bestalde, Zinemaldiak hilaren 13an jakinaraziko du aurtengo programazioa. Sail guztietako filmen ordutegiak kontsultatu ahal izango dira Zinemaldiaren webgunean. Zinemaldiko emanaldi guztien informazioa biltzen duen Filmen Gida ere egun horretatik aurrera egongo da eskuragarri Tabakalerako informazio gunean puntuan, 1,50 euroren truke, 10:00etatik 20:00ak arte.