Aitor Larrañagak brontzezko domina irabazi du Espainiako Txapelketan

Inaxio Esnaola

2018/09/10

Aitor Larrañaga podiumean, Jon Barretxea eta Ivan Coborekin. (Argazkia: Espainiako Txirrindularitza Federazioa)

Denboraldia biribildu du Aitor Larrañagak (Antigua, 2000). Pistan eta errepidean emaitza onak lortu ondoren, Donosti Berriko txirrindulariak brontzezko domina eskuratu zuen atzo Soriako gazte mailako Espainiako Txapelketan. Amets Txurruka txirrindulari ohiak gidaturiko euskal selekzioak lorpen bikoitza izan zuen atzoko lasterketan. Jon Barrenetxeak urrea irabazi zuen tropelari aurre hartuta. Aldiz, Larrañagak multzoaren esprintean bigarren egin eta brontzezko domina jantzi zuen. Gazte mailako bi urteak eginda, afizionatuetan ariko da Larrañaga hurrengo denboraldian. Debabarrena taldearekin izango du horretarako aukera.

#CEJuniorMasterSoria18 | Carrera junior masculina – Resultados ?

?️ Así ha sido la espectacular victoria de Barrenetxea resistiendo el empuje del pelotón ???

➡️ Cobo ha sido segundo; Larrañaga, tercero; y Carlos Rodríguez, cuarto. ¡Enhorabuena!@Ayto_Soria pic.twitter.com/KPs9mwEK6F
— RFEC (@RFECiclismo) September 9, 2018

IRUTXULOKO HITZAk Antiguako ziklistarekin hitz egiteko aukera izan du, eta laster argitaratuko du elkarrizketa.