Txantxarreka gaztetxeak bere bosgarren urteurrena ospatuko du larunbatean
Antiguako Txantxarreka gaztetxeak bost urte bete ditu irailean, eta urteurrena ospatzeko festa egingo dute bere kideek larunbat honetan. Egun osorako egitaraua prestatu dute, adin guztietako auzotarrei zuzendua.
Goizean auzoko haurrak Txantxaeskola ginkanan parte hartzera gonbidatuko dituzte, 10:00etan. Ondoren, 13:00etan, poteoa egingo dute Matia kalean, 14:30ean gaztetxean egingo duten bazkarira igo aurretik.
Arratsaldean, berriz, gazte eta helduentzako jokoak egingo dituzte Parke Txikin, eta gauean, 20:00etan, DJ saioak izango dituzte gaztetxean, DJ Lilith Selekta, Dj Pari eta DJ Gari eta Bozkoren emanaldiekin.
Bazkarirako txartelak Matia kaleko Platero eta Trikuharri tabernetan erosi daitezke, urteurrenerako egin duten kamisetarekin batera. Ekitaldia aurkezteko abesti bat egin dute ere:
GUNE AUTOGESTIONATUAK BIZIRIK!!!!
— Txantxarreka (@Txantxarreka) September 25, 2018
Hementxe gure gonbidapen berezia pic.twitter.com/4BYseSME2F
