Txitxibitxiak Antiguako talde feministak egun osoko jardunaldiak antolatu ditu ikasturtea indarrez hasteko. Azaroaren 3rako egun osoko egitaraua antolatu dute, “auzoan emakumeon presentzia eta gure arteko ezagutza sustatu eta lanerako gogoz gaudela adierazteko”.
Txitxibitxiek adierazi dutenez, azken urtean nahiko desagertua egon da taldea auzoari begira, baina ikasturte hasierarekin batera, kanpora begira martxan jartzeko gogoz daude.
Azaroaren 3an, 14:00etan bazkaria egingo dute Txantxarreka Gaztetxean eta ondoren bazkalosteko jolasak egingo dituzte. Eguna amaitzeko,
Bertxitxio gaua egingo dute, 20:00etan, “emakumeak* oholtzaren gainean eta festa giroan ahaldunduta sentitzeko” helburuarekin. Herritarrak bertsio gauean parte hartzera animatu dituzte, eta honako baldintzak jarri dituzte: emakume* taldea edo mistoa izatea (%50-%50) eta gehienez taldeko lau bertsio prestatzea. Izena emateko bi modu daude:
bertxitxio@gmail.com helbidera mezu bat idatzi edo Trikuharri tabernan izena emanez.
