Zaleek Reala eta Athleticen arteko derbiaz gozatuko dute berriro asteburuan

Iñaki Agirre

2018/10/12

(Argazkia: Reala)

Realak eta Athleticek emakumezkoen ligako lehen derbia jokatuko dute igandean, bilbotarren etxean. Arconadaren jokalariak momentu ezin hobean iritsiko dira neurketara, tapelketako lehen lau jardunaldietan porrotik jaso gabe. Athleticek, berriz, denboraldiko lehen garaipena bilatuko du donostiarren kontra, bere burua sailkapeneko azken postuetatik ateratzeko asmoz. Hockeyan eta izotz-hockeyan, Txuri Urdin eta Reala Jaca eta Tenisen kontra neurtuko dira hurrenez hurren, etxetik kanpo biak. Saskibaloian, Ibaeta Basketeko neskek denboraldi berriari ekingo diote Bembimbreren aurka, liga txapelketako lehen jardunaldian. Gipuzkoa Basketek, berriz, bere lehen garaipena bilatuko du Teneriferen kontrako norgehiagokan. Eskubaloian, azkenik, Bera Berak Rocasaren aurka egingo du aste honetan sailkapeneko lehen postua berreskuratzeko saiakera. FUTBOLA Emakumezkoen lehen maila, 5. jardunaldia:

Athletic – Reala (Igandea, 20:30)

IZOTZ HOCKEYA Espainiako Senior maila, 5. jardunaldia

Jaca – Txuri Urdin (Larunbata, 21:30)

HOCKEYA Emakumeen Ohorezko maila, 4. jardunaldia

Tenis – Reala (Ostirala, 11:00)

ESKUBALOIA Emakumezkoen Ohorezko maila, 5. jardunaldia

Rocasa – Bera Bera (Ostirala, 22:00)

SASKIBALOIA Emakumezkoen liga, 1. jardunaldia

Ibaeta Basket – Bembimbre (Igandea, 11:00)

ACB liga, 4. jardunaldia

Gipuzkoa Basket – Tenerife (Igandea, 17:00)