Euskal dantza ikastaroa eskainiko dute Morlansen
Morlanstarrak auzo elkarteak euskal dantza ikastaroa antolatu du. Ostiraletan izango dira saioak, Amara Berri ikastetxearen Morlanseko egoitzan. Gutxienez hamabost laguneko taldea osatu nahi dute ikastaroa abian jartzeko. Lehen saioa 19:00etan izango litzateke, eta , ondoren, ikastaro aurreratua emango dute, 19:45ean.
Lehen eguna ostiral honetan bertan izango da, urriaren 26an. Izena eman daiteke posta elektroniko bidez: morlanseuskaraz@gmail.com. Ikasturte osoko kuota 90 eurokoa da ( 45€ martxora arte; eta beste 45€, ekainera arte). Auzo elkarteko kideek 10 euroko deskontua izango dute.
