Errege Magoen karrozetan haurrek paje gisa parte hartzeko zozketa egingo dute

Irati Salsamendi

2018/10/23

Errege Magoak udaletxearen aurrean. (Argazkia: Donostia Festak)

Errege Magoen desfileko karrozetan haurrek paje gisa parte hartzeko zozketa bat egitea erabaki du Donostia Festakek, hainbat gurasoren eskaerari erantzuna emanez. Zozketan 7 eta 10 urte bitarteko Donostiako haurrek parte hartu ahalko dute eta 16 pajerentzako tokia zozkatuko da, errege bakoitzeko lau eta jaiotzako karrozarako beste lau. Zozketan izena emateko epea zabalik dago eta urriaren 31etan bukatuko da eta honako webgunean egin daiteke. Zozketa azaroaren 9an, 12:00etan, izango da udalaren Festak arloaren bulegoetan. Era berean, Donostia Festakek jakinarazi duenez, karroza bakoitzean postu bat gordeko zaie dibertsitate funtzionala duten haurrei eta urtero bezala, desfilean paje laguntzaile moduan parte hartzeko aukera izango dute DBH eta Batxilergoko hiriko ikasleek.