Altzako argazki zaharrak jarriko dituzte Garberan

Estitxu Zabala

2018/10/26

Garbera, 1950. urteko hamarkadan. (Argazkia: Francisco Armendariz / Altzako Tokiko Bilduma)

Altzari buruzko argazki erakusketa prestatu dute elkarlanean Altzako Historia Mintegiak eta Garbera merkataritza guneak. Merkataritza gunean jarriko dituzte argazkiak, haur parkearen ondoan, urriaren 31tik azaroaren 17ra. Hogeita sei argazkiren bitartez, Altzako historian barrena bidaiatzeko aukera emango dute. “Argazkien bidez, gaur egun gure auzoetan bizi den jendea argazkietan ikus daitekeen jendearekin harremanetan jartzea bilatzen dugu”, diote historia mintegikoek. Argazkiek tamaina handia izango dute, 75 zentimetro altueran eta metro bat zabalean. David Vicente argazkilari donostiarra arduratu da irudien inprimatzeaz eta mihisean jartzeaz.

Azken bideoak