Añorga Kirol eta Kultur Elkarteak egun berezia prestatu du abenduaren 2rako, Euskararen Egunaren harira. Zineko ateak irekiko dituzte 17:30ean, eta bi zuzeneko emanaldiz gozatzeko aukera egongo da: Anari eta Aguxtin Alkhat. Anari bandarekin ariko da, eta Aguxtin Alkhatek, berriz, bikotea osatuko du.
Kontzerturako sarrerak jada salgai daude, 8 euroan. Jolas Etxean eta Dokan eskuratu daitezke. Bazkideek 5 euroan izango dituzte sarrerak (soilik elkartearen bulegoan), eta geratu ezkero, egunean bertan 10 euroan salduko dituzte.
