'Donostia Hiria Comedy" bakarrizketen lehiaketa abian jarri dute

Inaxio Esnaola

2018/11/01

Lehiaketaren kartela.

Ultramarinos kultur taldeak Donostia Hiria Comedy umorezko bakarrizketen lehiaketa jarri du abian. Finalerdiak Dabadaba aretoan izango dira azaroaren 21ean eta 22an (20:30), eta final handia abenduaren 14an Kutxa Kultur Kluba (20:30). Nabarro ta Laura bikote artistikoa da egitasmoaren sustatzailea, eta horrelako lehiaketa baten beharra zegoela adierazi dute. Izen emateko epea ireki dute eta partze hartzeko baldintzak zehaztu dituzte. Hamar eta hamabost minutu arteko bakarrizketa saioak prestatu behar dira, euskaraz edo gaztelaniaz. Gaia librea izango da. Parte hartu nahi dutenek 627 985 568 telefonora deitu edo posta elektroniko honetara idatzi beharko dute: aitornabarro@hotmail.com Sariak ere izango ditu lehiaketak. Irabazleak 500 euro jasoko ditu eta bigarren geratzen denak 300 euro. Hirugarren eta laugarren sailkatuek ere sariak izango dituzte.