EAJko eta EH Bilduko zinegotziek galdeketan parte hartu dute

Inaxio Esnaola

2018/11/18

Eneko Goia alkate jeltzaleak botoa eman du. (Argazkia: EAJ)

Donostiako auzo desberdinetan eman dute botoa EAJ eta EH Bilduko udal zinegotziek. Eneko Goia alkateak Antiguako bozkalekuan parte hartu du. Amaia Almirall EH Bilduko bozeramaileak, berriz, Herreran eman du botoa. Josu Ruiz, Olaia Duarte, Jaime Dominguez-Macaya eta Ayem Oskoz zinegotziek ere parte hartu dute, besteak beste. Reyes Carrere EH Bilduren udal hauteskundeetarako hautagaiak ere parte hartu du Intxaurrondon. EAJ eta EH Bilduko udal taldeek galdeketa babesteko adierazpena argitaratu dute aste honetan. Ostiralean, bi alderdietako hainbat zinegotzik adierazpenaren berri eman zuten udaletxe alboan, eta kontsultaren aldeko jarrera berretsi zuten. PSE-EE, PP eta Irabazi-Donostiaren udal ordezkariek galdeketan ez parte hartzea erabaki dute, arrazoi ezberdinak tarteko. PPko zinegotziak herri galdeketa beraren kontra agertu dira. Parte hartu duren politikarien argazkiak irudi bilduman topatuko dituzue:

Azken bideoak