Justizia patriarkalaren aurka kalera atera dira

Nerea Lizarralde

2018/11/25

Indarkeria Matxistaren Kontrako Eguna da gaur, eta ehunka herritarrek kaleak hartu dituzte. Justizia patriarkalaren aurka egin dute protesta, eta justizia feminista bat adarrikatu dute. Bulebarretik abiatu dira eguerdian, (In)justizia patriarkalaren gainetik saretze feminista lelopean, eta Parte Zaharreko kaleetan barrena ibili dira borroka feministaren aldeko oihu artean. Donostiako Emakumeen Etxeko batukadak girotu du mobilizazioa, eta bukaeran, Zuloaga plazan, Erre zenituzten kanta jo dute. Indarkeria matxistaren inguruan asko daki Ana Lopezek, Emakumeen Etxean aholkularitza juridikoa ematen duen abokatuetako batek. Zerbitzuaz, justizia patriarkalaz, eta biktimek bizi duten egoeraz hitz egin digu, luze eta zabal: egoera aldatzeko gakoa heziketa feminista zabaltzea dela uste du.

Erlazionatutako edukia"Errespetatu egin behar gaituzte"