Feminismoaz eta robotikaz ariko dira San Telmo Museoan

Irutxuloko Hitza

2018/11/27

San Telmo Museoaren kanpoaldea (Argazkia: Estitxu Zabala)

Feminismoak teknologia berrien diseinuan duen lekua aztertzeko, jardunaldiak antolatu dituzte San Telmo Museoan: Feminismoa eta robotika. San Telmo Museoak eta Jakiundek antolatu dute hitzaldi sorta, eta azaroaren 28an eta 29an izango dira. Hitzaldiak museoko ekitaldi aretoan izango dira, sarrera librearekin, lekuak bete arte. EGITARAUA

Azaroak 28, asteazkena, 19:00. Inteligencia artificial hoy: historia, posibilidades y desafíos. Hizlariak: Humberto Bustince, Elena Lazkano (UPV/EHUko Informatika Fakultatea) eta Txelo Ruiz Vazquez (Ikasleen eta Enplegagarritasunaren arloko errektoreordea UPV/EHUn). Adimen artifizialaren berrikuspen bat egingo du Bustincek hitzaldi honetan. Genero-ikuspegiak egoera horretan eraginik izan ote duen planteatuko du, eta nola adimen artifiziala feminismoaren aliatu edo etsai bihur daitekeen.
Azaroak 29, osteguna, 19:00. Eusflat Logika eta Te. Maquinas con género. Lecturas desde el ciberfeminismo. Hizlariak: Remedios Zafra, Lourdes Dominguez (Donostiako Eskola Politeknikoa, UPV/EHU) eta Javier Etxeberria (Jakiunde). Zafrak hausnarketa egingo du teknologiaren generoaren inguruan, eta Interneten eta feminismoaren arteko loturaz, artearen eta politika ziberfeministatik abiatuta.