Urtarrilaren 7tik 12ra egingo dute
Dock of the Bay jaialdia. Gero eta gertuago dagoenez, programazioaren aurrerapena aurkeztu dute. Hain zuzen ere, Sail Ofizialean lehiatuko diren bederatzi filmen berri eman dute.
Zinema eta musika zaleen zinemaldiak hainbat musika genero eta gai landuko dituen askotariko dokumental sorta aurkeztuko du. Tartean dira, Euskal Herriko bi lanen estreinaldiak:
- O espirito de Pucho Boedo (Lois Patiño, 2018). Trailerra.
- Cantares de una Revolucion (Ramón Lluís Bande, 2018). Trailerra.
- Milford Graves: Full Mantis (Jake Meginsky eta Neil Young, 2018). Trailerra.
- Bashaideak (Elsa Oliarj-Ines, 2018). Trailerra.
- Hello Hello Hello : Lee Ranaldo : Electric Trim (Fred Riedel, 2017). Trailerra.
- Lou (Usua Garin, Andrea Lopetegi Lopez, Andrea Lopetegi Lopez eta Izotz Barrio, 2018). Trailerra.
- Bixa Travesti (Claudia Priscilla eta Kiko Goifman, 2018). Trailerra.
- Els ulls s’aturen de creixer (Javier Tomas Garcia Lerin, 2018). Trailerra.
- La Estrella Errante (Alberto Gracia, 2018). Trailerra.
Hiriko hainbat gune hartuko ditu jaialdiak. Trueba zinema aretoetan eta Antzoki Zaharrean musika dokumentalak proiektatuko dira, eta Tabakaleran, Dabadaban eta Convent Gardenen musika eta kultura ekitaldiak.
Bestalde, aurten ere Gipuzkoako Foru Aldundiko Kultura Sailaren eta Donostiako Sustapenaren babesari esker, ‘Musika, irudia, kontakizuna’ izeneko mintegia aurkeztuko du jaialdiak. Teoriko, kritikari eta zinemagileek zinema dokumentalari buruz eta honako gai hauei buruz hausnartzeko erabiliko dute espazioa.
Hizlarien artean, honakoak nabarmen daitezke: Elena Setien konpositore eta abeslari donostiarra, Eduardo Guillot Mostra de Valencia – Cinema del Mediterrani zinema jaialdiko programatzailea, Lois Patiño zinemagile eta artista bisuala eta Marla Jacarrila artista bisual, idazle eta zine kritikaria.
