Andaluziako herritarrei elkartasun feminista adierazteko elkarretaratzea egingo dute
Azken egunetan, ugari izan dira Andaluziako emakume eta herritarren alde, eta Vox alderdiaren aurka agertu diren eragile feministak. Espainiako Estatuko eta Euskal herriko hainbat elkarte feministak salatu dute Vox alderdiak «indarkeria matxista ukatzen» duela. Salaketa kalera eramateko asmoz, mobilizazioak deitu datorren asterako.
Euskal Herriko Emakumeen Mundu Martxak euskal herritarrak deitu ditu mobilizatzera, eta Donostiako Asanblada Feministak ere bat egin du “Andalusiako emakume*, migrante eta herriari elkartasun feminista eta internazionalista adierazteko” deialdiarekin. Hortaz, “faxismoaren aurrean elkartasun feminista eta internazionalista” adierazteko, asteartean, urtarrilaren 15ean, 19:00etan, protesta egingo dute Bulebarrean.
Hona hemen Euskal Herriko Emakumeen Mundu Martxak zabaldutako manifestua:
ELKARTASUN FEMINISTA ANDALUZIAR HERRIAREKIN
Euskal Herriko Emakumeon Mundu Martxatik gure elkartasun osoa adierazi nahi diogu Andaluziar herriari eta bereziki bertan borrokan dabiltzan emakume feminista guztiei.
Bertan gobernua osatu nahi duten muturreko eskuindar alderdiek emakumeonganako indarkeriaren aurkako legea darabilte joko karta legez; Vox alderdiaren planetan, lege hau ezabatu, abortua edo sexu aldaketarako ebakuntzak osasun publikotik kendu, kuotak ezabatu… bezalako neurriak daude. Gure eskubideekin negoziatzen ari dira! Mugimendu Feministak emandako aurrerapausoen aurrean sistemaren erreakzio gisa ulertzen dugu, patriarkatuaren kateak estutzeko maniobra gisa.
Espainiar faxismoa feminismoaren aurkako bulkada erreakzionarioa, migratzaileenganako fobia eta neoliberalismo basatia ezartzera etorri da. Baina jakin badakigu Andaluzian gertatzen ari dena ez dela kasu bakan eta isolatua. Estatu espainiarrean muturreko eskuina hedatzen ari da, konplexurik gabe bere posizio faxistak faxismoan indartzen. Horrek dakartzan ondorioak: emakumeon bizitzaren aurkako politikak, langileriaren esplotazioa sakontzea eta kanporatze politikak eta xenofoboak. Eta ez bakarrik espainiar estatuan, eskuin muturra munduan hazten ari da eta gobernuetara salto egiten: Estatu Batuetan, Brasilen, Austrian, Polonian… Azken hamarkadetan izan duen egoerarik oparoenean dago gaur egun, eta etengabe areagotzen ari dira alderdi ultranazionalista eta xenofoboak, komunikabideek ematen dieten koberturaren laguntzaz. Hori dela eta, kaleko herritarrak erakundeen eta eskuin-alderdi politikoen praktika arrazistekin legitimatuta sentiarazten dira Adibidez, atzo asteazkena, urtarrilak 9, Gasteizen, lineako autobus batean emakume beltz bat eraso arrazistak jaso zituen.
Horregatik, Euskal Herritik babes osoa eta elkartasun internazionalista eta feminista adierazi nahi diegu mundu osoan faxismoaren aurka borrokan dabiltzan emakumeei. Bereziki Andaluziako emakumeek eta etorkin kolektiboek hurrengo egunetan antolatuko dituzten protestekin bat egiten dugu. Zuekin gaude! Emakumeon eskubideak ez dira negoziatzen!
Guk ere bertotik borrokan jarraituko dugu, antolatzen, aliantzak eraikitzen. Elkartasuna delako gure armarik boteretsuena.
Martxan jarraituko dugu, denok aske izan arte!
