'Atxurrak' bueltan dira 2019an liga titulua defendatzen jarraitzeko
(Argazkia: Reala) Gabonetako etenaldiaren ostean, Realak liga txapelketari ekingo dio berriro ostegunean, iaz irabazitako titulua defendatzeko asmoz. Donostiarrek aurkari zaila izango dute aurrez aurre, Taburiente egun hirugarren baita ligako sailkapenean.
Eskubaloian, Bera Berak Danimarkara egingo du bidaia EHF kopako ligaxka faseko hirugarren jardunaldia jokatzeko. Imanol Alvarezen neskak gogotsu iritsiko dira neurketara, aste honetan Alcobendasen aurka kopako hurrengo faserako pasea ia ziurtatu ostean.
Saskibaloian, norgehiagoka eskuragarriak izango dituzte bai Ibaeta Basketek eta bai Gipuzkoa basketek. Izan ere, euren sailkapenetako azken postuetan dauden Sant Adria eta Estudiantesen aurka lehiatuko dira, hurrenez hurren.
Futbolean, azkenik, kopako kanporatzeak utzitako tristura garaipen berri batekin gutxitzen saiatuko da Reala Madrilen, Rayo Vallecanoren aurka.
ESKUBALOIA
EHF kopa, ligaxka faseko 3. jardunaldia
-
Falster Handboll – Bera Bera (Larunbata, 15:00)
SASKIBALOIA
Gizonezkoen ACB liga, 17. jardunaldia
-
Estudiantes – Gipuzkoa Basket (Larunbata, 13:00)
Emakumezkoen liga, 16 jardunaldia
-
Ibaeta Basket –Sant Adria (Ostirala, 18:00)
HOCKEYA
Emakumezkoen Ohorezko maila, 10. jardunaldia
-
Reala – Taburiente (Osteguna, 1300)
FUTBOLA
Gizonezkoen lehen maila, 20. jardunaldia:
-
Rayo Vallecano – Reala (Larunbata, 18:30)
