Hiriko kaleak hartu dituzte haurrek

5.000 haur baino gehiagok desfilatu dute hiriko kaleetan zehar, San Sebastian eguneko haur danborradan.

2019/01/20

5.000 haur baino gehiago izan dira aurtengo San Sebastian eguneko haur danborradako protagonistak. Eguraldiaren iragarpenak txarrak ziren arren eta goizean goiz euri-zaparradaren bat bota badu ere, udal arduradunek desfilearekin aurrera jarraitzeko erabakia hartu dute. Guztira, 42 erakundetakoak diren 49 konpainiek hartu dituzte Erdialdeko kaleak, Alderdi Ederren San Sebastian Martxak jaiari hasiera eman eta gero.

Aurten sukaldariak estreinatuko dituzte Ikasbide ikastolakoek, horrela, gainerako 29 konpainietara batuko dira. La Asuncion ikastetxeak, berriz, zortzi urketari izango ditu; beraz, 45 konpainia izango dira urketariak izango dituztenak. Gainera, iaz estreinakoz egon zen alkatesaren pertsonaiari, aurten notarioa batu zaio.

Helduen danborradetan ez bezala, mutilek baino neska gehiagok desfilatu dute haur danborradan: %54 neskak izan dira, eta %46 mutilak. Danbor Nagusietan ere gehiago izan dira neskak mutilak baino.