Kontzertu gau indartsua egingo dute Ibaetako jaietan
Wiilis Drummond kontzertuan. (Argazkia: Jon Iraundegi) Ibaetako jaiak iristear daude, eta auzoko jai batzordeko kideak festetako lehen aurrerapenak aurkezten hasi dira jada. Hain zuzen, otsailaren 23an egingo duten kontzertu gauaren egitaraua plazaratu dute gaur, auzoa rock doinuekin astinduko duten hiru taldeen izenekin: Pelax, Willis Drummond eta Pavloven Zakurrak.
Gaueko lehen emanaldia 22:30ean hasiko da eta, urtero bezala, Lautximeneta frontoian izango du agertokia. Datozen egunetan jaien egitarauari dagokion informazio gehiago zabalduko dutela jakinarazi du ere jai batzordeak.
