Jolastokietako haur eskola 2020an irekiko dute
Altzako Jolastokieta auzunea. 
Donostiako Udalak Jolastokietako haur eskola egokitzeko proiektua adjudikatu dio Urbycolan enpresari. 643.929 eurokoa da aurrekontua eta zazpi hilabeteko epea izango dute lanetarako. 2020arako prest egotea aurreikusten du udalak.
Goi-Jolastokietan dagoen plazan egongo da haur eskola. Ondorengo zerbitzuak eskainiko ditu: 0 eta 1 urte bitarteko haurrentzako lau gela, 1 eta 2 urte arteko haurrentzako beste lau gela, erabilera anitzerako gela bat, bulegoa, biltegia, aldagela, komuna, instalazioen gela, aulkitxoak uzteko bi gune estali eta plazako jolas-lekua.
