Karlos I.aren zubibidearen azpiko zonaldea egokituko dute
Azkenik, Karlos I.aren zubibidearen azpiko oinezkoentzako pasabidea egokituko du Donostiako Udalak. Iragarri zutenetik denbora asko pasa da; iazko uztailean 2018 urte bukaerarako zonaldea egokituta egongo zela adierazi zuen udalak.
Campeo Obras y Servicios enpresari adjudikatu diote lanak egiteko kontratua, 291.372 euroren truke. Enpresak zortzi aste izango ditu obrak egiteko. Hasiera batean, aurreikusitakoa baino diru gutxiago bideratuko dute. Izan ere, Insuuru arkitektoen enpresak 338.913 euroko aurrekontua proposatu zuen idatzitako proiektua.
Segurtasuna hobetzea du helburu proiektuak. Horretarako, oinezkoen gunea zabalduko dute, irisgarritasuna eta argiztapena hobetu, eta jolas gune bat jarri.
