Udalak dBizi zerbitzua hobetu eta egokituko du
Bizikleten alokairu sistema automatizatua hobetzea eta egokitzea erabaki du Donostiako Udalak. Horiek horrela, dBizi sistema kudeatzen duen Bonopark enpresarekin zuten kontratua bertan behera utzi dute. Bi aldeek adostu dute adjudikazioaren bukaera.
Kontratua eteteko arrazoiak eman ditu udalak. Bizikleta publiko mistoaren sistema (elektrikoa eta mekanikoa) txertatzeko beharra ikusi dute, eta sistema hori hiriko garraio publikoaren sarearen barruan egongo da.
Zerbitzuak hobekuntzen beharra duela aitortu dute. Besteak beste, tarifa sistema aldatzeko beharra, hobekuntza teknologikoak txertatzeko premia, eta zerbitzua berrantolatzeko beharra. Besteak beste, geltoki gehiago izango dituen bizikletak alokatzeko sistema publikoa abian jartzea, batez ere, gaur egun sistema ez duten auzoetan.
