Play-offetako finalerdian aurrea hartu du Txuri Urdinek
Liga txapelketako lehen fasea lider gisa amaitu ostean, Txuri Urdineko mutilek garaipenarekin hasi du play-offetako finalerdia Majadahondaren aurka. Bi taldeen arteko hurrengo neurketa irabaziz gero, donostiarrek finalerako pasea bermatua izango dute.
Neskei dagokienez, Txuri Urdinek garaipen sendoa lortu du Huarteren kontra lehen faseko azken jardunaldian. Gauzak horrela, donostiarrei sailkapeneko hirugarren postua egokitu zaie, eta bigarren postuan dagoen Sumendiren aurka lehiatuko dira martxoan abiatuko duten play-offean.
Saskibaloian, Ibaeta Basketek hiru porroteko bolada apurtu eta garaipena lortu du berriro, Gascan Zamaraten aurka eginiko partida bikainari esker.
Eskubaloian, Bera Berak beste astebetez sailkapeneko lehen postua mantentzea lortu du, Morvedreren kontrako norgehiagokan modu ikusgarrian gailendu ostean.
Futbolean, azkenik, Realaren bi taldeek asteburu ezin hobea izan dute, Anoetan lorturiko bi garaipenei esker. Neskek, batetik, kopako finalerako lehen sailkapena lortu zuten Sevillaren aurkako partida irabazita, eta mutilek, bestetik, beste garaipen bat lortu zuten, porrotik gabeko bolada zazpi jardunalditara luzatuz.
IZOTZ HOCKEYA
Emakumezkoen Estatuko Senior maila, 14. jardunaldia
- Huarte 0 – 6 Txuri Urdin
Gizonezkoen Estatuko Senior maila, play-offetako finalerdia
- Majadahonda 1 – 2 Txuri Urdin
SASKIBALOIA
Emakumezkoen liga, 20. jardunaldia
-
Ibaeta Basket 62 – 55 Zaramat
ESKUBALOIA
Emakumezkoen Ohorezko maila, 15. jardunaldia
-
Morvedre 14 – 25 Bera Bera
FUTBOLA
Emakumezkoen kopako finalerdia:
-
Reala 3 – 1 Sevilla
Gizonezkoen lehen maila, 24. jardunaldia:
-
Reala 3 – 0 Leganes
