Txuri Urdinen bi taldeek dena izango dute jokoan asteburuan
(Argazkia: Txuri Urdin) Txuri Urdinen emakumezkoen eta gizonezkoen taldeek asteburu erabakigarria dute aurretik. Izan ere, biek play-offetako partida bikoitza jokatuko dute liga tituluak eskuratzeko bidean. Emakumeek, batetik, Sumendiren aurkako finalerdia gainditu beharko dute, eta hori lortzeko aukera bakarra gasteiztarren aurkako bi neurketak irabaztea izango da beraientzat. Gizonei dagokienez, berriz, asteburuan jokatuko dituzten norgehiagokek alde batera edo bestera mugi dezakete finaleko balantza, liga igandean galdu edo irabazteko aukerekin. Puigcerdaren kontrako bi partidetan beste berdinketa bat egonez gero, ordea, hurrengo astean Donostian jokatuko luketen azken neurketan erabakiko litzateke play-offa.
Saskibaloian, Ibaeta Basketek jarraiko hirugarren garaipena bilatuko du Ensinoren aurka, eta Gipuzkoa Basketek, aldiz, norgehiagoka zaila jokatuko du Malagan Unicajaren kontra.
Futbolean, Realeko neskek balentria bilatuko dute Bartzelonan sailkapeneko liderraren aurka. Mutilek, berriz, Sevillarako bidaia egingo dute, etxetik kanpoko azken jardunaldietan egin ez dituzten golak zutoinen artean sartzeko asmoz.
Hockeyan, azkenik, Realak azken jardunaldietako bolada txarrari etena jartzea bilatuko du R.C. Poloren aurka.
IZOTZ HOCKEYA
Emakumezkoen Estatuko Senior maila, play-offetako finalerdia
- Sumendi – Txuri Urdin (Larunbata, 14:15)
- Sumendi – Txuri Urdin (Igandea, 14:00)
Gizonezkoen Estatuko Senior maila, play-offetako finala
- Puigcerda – Txuri Urdin (Larunbata, 22:00)
- Puigcerda – Txuri Urdin (Igandea, 15:30)
SASKIBALOIA
Emakumezkoen liga, 22. jardunaldia
-
Ibaeta Basket – Ensino (Larunbata, 18:00)
ACB liga, 22. jardunaldia
-
Unicaja – Gipuzkoa Basket (Igandea, 17:00)
HOCKEYA
Emakumezkoen Ohorezko maila, 12. jardunaldia
- R.C. Polo – Reala (Igandea, 13:00)
FUTBOLA
Emakumezkoen lehen maila, 23. jardunaldia
- Bartzelona – Reala (Asteartea, 18:30)
Gizonezkoen lehen maila, 27. jardunaldia
-
Sevilla – Reala (Igandea, 18:30)
