Liga eskuratzeko pauso garrantzitsua eman du Bera Berak
Donostiarrek zazpi puntuko tartearekin (32-25) lortu dute garaipena Rocasaren aurka.
(Argazkia: Bera Bera) Atzo lorturiko garaipenarekin, Bera Berak pasarte berri bat gehitu dio apartekoa izaten ari den denboraldiari. Donostiarrek Rocasaren aurka gailentzea lortu zuten, zazpi puntuko tartearekin (32-25), eta euren lidergotza sendotu dute sailkapeneko buruan.
Erronka handia zen, eta asko zen jokoan zegoena. Izan ere, ligako sailkapeneko bigarren postuan eta Bera Beraren puntu kopuru berdinarekin iritsi zen Rocasa atzo Gascara. Imanol Alvarezen neskek, ordea, partida bikaina egin zuten, kanariarren etengabeko esfortzuen aurrean tinko mantenduz eta partidaren kontrola galdu gabe.
Lorturiko garaipenari esker, donostiarrek bi puntuko tartea atera diote sailkapenean Rocasari, eta zortzi jardunaldiren faltan, liga eskura jarri zaie.
