Hezkuntza emozionalari buruzko hitzaldia egingo dute Hondarpe auzo elkartean
Donna Apellanizek hezkuntza emozionalaren garrantziari buruzko hitzaldia eskainiko du martxoaren 30ean Groseko Hondarpe auzo elkartean. Apellaniz tekniko sistemikoa eta hezkuntza emozionalean aditua da, eta hitzaldia haurren jokabideen atzean dauden emozioak ikusten laguntzeko baliatuko du.
Ekitaldia Groseko guraso elkarteak antolatu du, eta 11:00etan hasiko dute. Parte hartu nahi duten gurasoei haurtzaindegi zerbitzua eskainiko zaie.
