Txuri Urdin ligako txapeldun izan daiteke larunbatean
(Argazkia: Txuri Urdin) Egundoko denboraldiari aparteko amaiera ematea falta zaio Txuri Urdini. Donostiarrek lehenengo jardunalditik erakutsi dute gainerako taldeengatik maila bat gorago daudela, eta astez aste jasotako emaitzak horren isla izan dira. Ligako lehen fasean lehena amaitu ostean, play-offetako lehen kanporaketa erraztasunez gainditu zuten. Finalean, ordea, Puigcerdak ez du amorerik eman nahi izan, eta zirraraz beteriko lau norgehiagoken ondoren, bi taldeak berdindurik iritsi dira dena erabakiko duen neurketara.
Emakumeei dagokienez, berriz, Txuri Urdinek finaleko lehen partida jokatuko du Majadahondaren aurka. Kanporaketa ongi hastea komeni zaie donostiarrei, finala erabakiko duten hurrengo asteburuko bi partidak presio arinagoarekin jokatzeko.
Saskibaloian, Ibaeta Basket eta Gipuzkoa Basket Ferrol eta Breoganen aurka lehiatuko dira, hurrenez hurren.
Eskubaloian, berriz, Bera Berak Valladoliderako bidaia egingo du, sailkapeneko lehen postua defendatzen jarraitzeko asmoz.
Hockeyan, Realak orain arteko bolada txarrari buelta ematea bilatuko du Tenisen kontra.
Eta futbolean, azkenik, Realaren bi taldeek etxean jokatuko dute, Rayo Vallecano eta Levanteren aurka.
IZOTZ HOCKEYA
Emakumezkoen Estatuko Senior maila, play-offetako finala
- Txuri Urdin – Majadahonda (Larunbata, 15:00)
Gizonezkoen Estatuko Senior maila, play-offetako finala
- Txuri Urdin – Puigcerda (Larunbata, 21:30)
SASKIBALOIA
Emakumezkoen liga, 23. jardunaldia
-
Ferrol – Ibaeta Basket (Larunbata, 19:00)
ACB liga, 23. jardunaldia
-
Gipuzkoa Basket – Breogan (Larunbata, 18:00)
ESKUBALOIA
Emakumezkoen Ohorezko maila, 19. jardunaldia
- Valladolid – Bera Bera (Ostirala, 21:00)
HOCKEYA
Emakumezkoen Ohorezko maila, 13. jardunaldia
- Reala – Tenis (Larunbata, 16:30)
FUTBOLA
Emakumezkoen lehen maila, 24. jardunaldia
- Reala – Rayo Vallecano (Igandea, 12:00)
Gizonezkoen lehen maila, 28. jardunaldia
-
Reala – Levante (Ostirala, 21:00)
