Literatur Udaberria egingo dute Kijera gaztetxean
Argazkia: Kijera gaztetxea. 
Argazkia: Kijera gaztetxea.
Literatur Udaberria egitasmoa antolatu du Donostiako Parte Zaharreko Kijera gaztetxeak, eta hiritarrak parte hartzera animatu dituzte. Egitasmo honen bitartez, parte hartzen duten pertsonen lanak jaso eta argitaratuko ditu gaztetxeak.
Lanen gaia librea bada ere, gaztetxeak ideiak eman nahi izan ditu, eta Kaia, Korrika, Erresistentzia eta Baratza gaiak proposatu ditu. Martxoaren 31 izango da egitasmoan parte hartzeko azken eguna, eta honako lan motak aurkeztu daitezke: Poemak, ipuinak, antzerki txikiak, iritzi artikuluak, komikiak, marrazkiak eta argazkiak. Lanak literaturudaberria@piperrak.cc helbidera bidali beharko dituzte parte hartu nahi dutenek, edo gaztetxeko buzoian utzi.
