Txuri Urdinek hirugarren aldiz jarraian irabazi du liga
(Argazkia: Txuri Urdin) Txuri Urdinek berriro ere lortu du. Atzo Puigceraren aurka eta era ikusgarrian irabazitako finalak 16. liga eman die donostiarrei, hirugarren aldiz jarraian. Tito Marcelinoren mutilak lehen minututik atera ziren garaipenaren bila, eta markagailuan 2-0 jartzera iritsi ziren. Puigcerdak, ordea, ez zuen amorerik eman, eta neurketa amaitzeko zazpi minuturen faltan, berdinketa lortu zuten katalanek. Txapelketa luzapenean erabakiko zela zirudien, Jano Hernandezek, soilik bi minutu gelditzen zirenean, egundoko gola egin zuen arte. Amaiera bikaina denboraldi ezin hobe batentzako.
Neskei dagokienez, berriz, jardunaldia ez da horren ona izan. Izan ere, Txuri Urdinek finaleko lehen partida galdu zuen Majadahondaren kontra, eta liga irabazi ahala izateko, datorren asteburuko bi neurketak irabazi beharko ditu.
Saskibaloian, asteburua apartekoa izan da talde donostiarrentzat. Ibaeta Basket play-offetarako sailkatu zen Ferroli irabazi ostean, eta Gipuzkoa Basketek denboraldiko garaipenik sendoena lortu zuen Breoganen aurka.
Hockeyan, Realak etena jarri dio azken jardunaldietako bolada txarrari, Tenisi eginiko lau golei esker.
Eskubaloian, berriz, Bera Berak estropezu egin du Valladoliden, eta bigarren sailkatuarekiko zuen tartea murriztu egin zaio berriro.
Futbolean, azkenik, jardunaldiko hiru puntuak Zubietan geratzea lortu zuten Realeko neskek. Mutilek, aldiz, aurkako atean galdutako aukerak garesti ordaindu zituzten, eta zapore gazia utzi duen berdinketarekin konformatu behar izan dira.
IZOTZ HOCKEYA
Emakumezkoen Estatuko Senior maila, play-offetako finala
- Txuri Urdin 0 – 3 Majadahonda
Gizonezkoen Estatuko Senior maila, play-offetako finala
- Txuri Urdin 3 – 2 Puigcerda
SASKIBALOIA
Emakumezkoen liga, 23. jardunaldia
-
Ferrol 55 – 67 Ibaeta Basket
ACB liga, 23. jardunaldia
-
Gipuzkoa Basket 100 – 65 Breogan
HOCKEYA
Emakumezkoen Ohorezko maila, 13. jardunaldia
- Reala 4 – 2 Tenis
ESKUBALOIA
Emakumezkoen Ohorezko maila, 19. jardunaldia
- Valladolid 32 – 26 Bera Bera
FUTBOLA
Emakumezkoen lehen maila, 24. jardunaldia
- Reala 1 – 0 Rayo Vallecano
Gizonezkoen lehen maila, 28. jardunaldia
-
Reala 1 – 1 Levante (Ostirala, 21:00)
