Uliako ur-biltegietan jarduera didaktikoak eskaintzen ditu Cristina Enea Fundazioak
Ulia Interpretazio Zentroko Hezkuntza Eskaintzaren bitartez, Cristina Enea Fundazioak Uliako ur-biltegietan bisita eta jarduera didaktikoak egiteko aukera eskaintzen die ikastetxeei.
Uraren erabilera aldatuz joan da, eta Ulian honen adibide desberdinak aurki daitezkeela azpimarratu dute. Hala nola, iturriak, menditik ura hirira garraiatzeko tunelak eta ubideak. Ikastaroen bidez, hori dena ezagutu eta biltegiak bertatik bertara bisitatu ditzakete ikasleek.
Jarduera Lehen Hezkuntzako ikasleei zuzenduta dago, 60 minutuko iraupena du eta doakoa da. Jarduera honen erreserba egiteko, 943 483 500 telefonora deitu behar da, astelehenetik ostiralera 9:00-13:00 artean.
