Bera Berak estropezu egin du liga irabazteko borrokan
(Argazkia: Juan Antonio - Bera Bera) Bera Berak ongi zekien asteburukoa aurkari zaila izango zela, eta Granollersera gogor lehiatzeko prest iritsi ziren donostiarrak. Norgehiagoka, ordea, katalanek irabazi zuten, azken uneetan lorturiko puntu bakarreko abantailari esker. Gauzak horrela, Imanol Alvarezen neskak sailkapeneko burutik bi puntura geratu dira, bost jardunaldiren faltan, eta liga eskuratzeko dituzten aukerak ez dira lehen bezain garbiak.
Saskibaloian, talde donostiarrek asteburu bikaina izan dute. Izan ere, bai Ibaeta Basketek eta bai Gipuzkoa Basketek garaipen landuak lortu dituzte euren neurketetan.
Hockeyan, aldiz, Realak ezin izan zuen gauza handirik egin ligako liderraren aurka, eta porrot gogorra jaso zuen bere zaleen aurrean. Futbolean, azkenik, irabazten hasitako partida galdu egin zuen Vigon Realak.
ESKUBALOIA
Emakumezkoen Ohorezko maila, 21. jardunaldia
- Granollers 27 – 26 Bera Bera
SASKIBALOIA
Emakumezkoen liga, 26. jardunaldia
- Girona 64 – 67 Ibaeta Basket
ACB liga, 26. jardunaldia
- Gipuzkoa Basket 93 – 92 Estudiantes
HOCKEYA
Emakumezkoen Ohorezko maila, 15. jardunaldia
- Reala 1 – 6 Club de campo
FUTBOLA
Gizonezkoen lehen maila, 31. jardunaldia
- Celta 3 – 1 Reala
